IGOTI KUHUMURA MUHUNJIA EZEKIEL ODERO
Written by Kayu Digital Team on October 31, 2023
- NAIROBI & ENVIRONS 91.0 | MT KENYA REGION 91.1FM
Muthia muthia muhunjia Ezekiel Odero na uria ukoretwo ugumiirwo ni kihiri kia macira mbere ya igoti no ahumuke, uu ari thutha wa igoti ria Shanzu, Mombasa kumurekereria hatari mikana oro yothe ya igoti. Hari itua riria riakinyanirio miaraho ya umuthi ni mucirithania Joe Omido, muhunjia uyu arekio hatari mikana oro yothe ya igoti uu ari thutha wa mwena wa thitango gwitikirania na wakiri a muhunjia uyu macira maria marari ciande-ini ciake mateyanirio kuona kuuma riri akinyirio igoti-ini ndaigana guthomerwo thitango ici kuuna.
Wakiri Cliff Ombeta handu-ini ha mununjuia uyu niwe urandikithitie cira uyu uhingwo kuuna muthenya wa ira, undu uria wakinyanirio ni igoti, mucirithania Omido agithana cira uyu uhingwo na mbeca iria muhunjia uyu andikithitie igoti-ini niguo arekererio na bundi ari ni mirioni 1.5 akorwo agicokerio kuuna.
Muhunjia Odero ari agumiirwo ni mahitia kihiri ari ni hamwe na kuragana, uteithiriria wa andu kwiyuraga, utambia wa mahunjio maruru, njuragano cia andu kimumu, uhorania wa mbeca gatagati ka mahitia mangi, no maria atanakinyaniria guthomerwo mbere ya igoti, riu maya mothe magikunjwo na muthia kumuohora macira-ini undu uria wacungiriria gikeno kuuma kuri etikia aknaitha uyu nja wa igoti ria Shanzu miaraho ya umuthi.
Muhunjia Odero ekorire gatagati-ini ka macira maya thutha wake kugiritanio na muhunjia Paul Makenzie na uria ukoretwo gatagati ka ikuu cia uhimbiriria wa mahunjio mogomu na maria matigite andu 429 makuite.
