Ekuirwo 2 a uhenenia wa igeranio cia KCPE guikio ngono
Written by Kayu Digital Team on October 31, 2023
- NAIROBI & ENVIRONS 91.0 | MT KENYA REGION 91.1FM
Maabithaa a uthuthuria Nairobi nimaikitie ngono ekuirwo eri a uhenania wa igeranio iria ciambiririe umuthi cia kirathi gia kanana kana KCPE.Kuringana na riboti cia borithi niati eri aya ni maikirio ngono mari thukuru-ini wa Ndururuno primary school, Huruma gicigo-ini bunge kia Mathare mwikuiro wa mbere ukurukanite ta Mercy Wairimu agiikio ngono ari mutaratara wa guikarira kigeranio giki handu-ini na Doreen Gakii, kuria eri mahotire guikio ngono.
Maya mokire riri mwikuirwo wa unyagia wa igeranio cia maheni na uria waikirio ngono muthi wa Aramithi itura-ini ria Gikambura Kiambu akihenia aciari na arutwo ari na kigeranio kiari na anja gia kuuma KIPSEA, KCPE na KCSE niwe Nicholas Ngumbau akinyirio mbere ya mucirithania Bernard Ochoi, Nairobi agithitango na mahitia ma kunyagia maratathi ma maheni.
Onagukiri ugwo mwikuirwo niareganire na mahitia maya na gucoka kurekererio na mbeca baribari ngiri igana rimwe na mundu uri ungimurugamirira angiaga gwikinyia igoti kana bundi ya ciringi ngiri Magana meeri, cira uyu ukigathikwo kugwetwo tareki 13 mweri-ini uguka wa ikumi na umwe.
