Timu ya bururi ya nyarari ya Kabira ka hockey,merekeire kunyitanira na aruna ao a Kabira ka volleyball malkia strikers, hari ngucanio cia Olympic.

Timu ya bururi ya nyarari ya Kabira ka hockey,merekeire kunyitanira na aruna ao a Kabira ka volleyball malkia strikers, hari ngucanio cia Olympic, thutha wao kumatha kanya ga gututhurana gikiroini gia semi finals,hari ngarangano cia 2024 african hockey Olympic qualifiers.Nyarari ici na iria cikoretwo ciambite kambi bururiini wa south Africa, marakandurire aruna ao Ghana na igutha ria mbao 3-2,ngucanio iria irarimanagirwo universityini ya pretoria.Muthaki uria urari mwagiriru makiria ngumuthuranoini ino arari goalkeeper Millicent Athiambo, na uria uramateithiriirie na njira nene hari kuhotana ngucanio ino, kumana na mbao iria arahonokagia.Kenya aria marethunurira group iria marakumuthuranira na pointi 6, makanyitana mashati na namimbia muthenya wa gatatu ga kiumia giki,kuria nao ghana makarimana na Zambia hari ngucanio icio ingi niguo kuona nu ukamatha kanya ga gututhurana hari semi final iyo ingi.Akenya mena muihoko Munene makiria na nyarari ici wa kuimathira kanya ngumuthuranoini cia Olympic, na kuona makoretwo mehariririaini kwa ihinda riu bururiini wa south Africa, nonginya onao makorwo magiika ouria mahota kumtha kanya gaka.Kiama kiria kiramataga maundu ma Kabira gaka bururiini, undu umwe na thirikari niciikiite ouria ciahota gutigirira nyarari ici niciona kiria cirabatara niguo gukinyaniria meririria mao