GUTIRI NDURURU IRONGERERWO BITHI-INI YA THEKONDARI”, THIRIKARI GUKINYIRIRIA

Thutha wa riboti cia kwandurwo kwa marihi ma bithi ya mathomo ma thekondari mwaka uguka gutukanira aciari na makiria kuumana na moritu maria mari bururi-ini ma kimbeca, ministriini ya githimo nio yagithitie kiene riboti ici.

Akiria umuthi thutha wa kunyabara mihang’o ya wambiriria wa igeranio cia KPSEA na KCPE thukuru-ini wa Kikuyu Township, kaunti-ini ya Kiambu, minister wa githomo Ezekiel Machogu niagithirie kiene riboti ici akiuga itiri na uma oro wothe, na uguo oria aciaria maciteyanirie na kwihariria mathomo mwaka uguka rungu rwa marihi oro maria kuo ihinda-ini riri.

Ministry ino itheretie riboti ici thutha wa thirikari kung’etherwo kiumia kihetuku, kumana na umbuki wa riboti cia marihi ma thukuru na makiria thekondari kuongererwo thukuru-ini ciothe cia bururi, riu ministry ino ya githomo ikionekana kuagithia kiene riboti ici.

Maya mokite riri nake president William Ruto akinyiririe thirikari ni ikuhe arutwo othe mweke wa guthii nambere na mathomo na makiria ma thekondari aria maraikarira igeranio cia muthia cia KCPE akiuga mutaratara wa gicunji kia igana kwa igana kia mutaratara uyu wa kuuma thukuru cia muthingi nginyagia cia thekondari no nginyagia utungane mathomo-ini mwaka uguka hari arutwo aria mambiririe igeranio umuthi.