Mutumia kuhura na gucungiriria gikuo kia murio na gucoka gwithara Murang’a

Maabithaa a borithi kuuma itura ria Gichagi II, Ithanga, kakuzi kaunti-ini ya Murang’a niambikite mihang’o ya gucarania na mutumia umwe wa ukuru wa miaka 53 na uria uthiite riuro uu ari thutha wa kuhura na gucungiriria gikuu kia muriu wikendi hetuku.

Kuringana na riboti cia borithi niati mutumia uyu agerire ngero ino hari mutigairi muriu wake Naftaly Mumo wa miaka 27 tareki 21 mweri-ini uyu, uu ari thutha wa muriu gukinya mucii ari muriu, nahau gukerikana aya makiambiriria ngarari iguru ria mahiga maria oro mundu auga nimake, kuria kwirikanite nyina acokire kuoya kindu giturumbaru na akiambiriria kumuhura nakio na macungiriro akimutungia nguraro cia tghiini wa mwiri.

Onagukiri uguo muthenya uria warumiriire riboti cia borithi ciugite niarokirio thibitari-ini munini wa Ngeleya na muthia agicoka gutwarwo thibitari-ini Munene wa Murang’a level V kuria acokire gukuira, uitiria wa mwiri wake ukionania akuire kumana na kura thakame thiini wa mwiri, nguraro iria ciirikanite ciari cia kuringwo na kindu giturumbaru kiongo, githuri na mugongo.

Agikira mukonde ngero ino hamwe na mihang’o ya gucarania na nyina uyu wa mutigairi na uria nginyagia uri riuro, kamanda wa borothi wa Ithanga Kakuzi Patrick Nyaanga augite maabithaa ake matikuhura nginyagia dagika-ini iria megukorwo makihaka mata mwikuirwo uyu