Murutani mwendia wa igeranio cia maheni guikio ngono.

Mithenya iri tu mbere ya igeranio cia KCPE na Kipsea ciarukitwo bururi-ini hari arutwo a kirathi gia kanana na kiria kia grade six, murutani umwe na uriu kuuma kaunti-ini ya Kiambu na uria ukoretwo ugitabania mihang’o ya kuendia kigeranio kia maheni gia CRE hari arutwo a kirathi gia kanana niakitio ngono.

Nicholas Ngumbau Kalewa kana na ritwa ringi ta ‘Mr Eximanier’ wa miaka 23 na uria ni murutani thukuru-ini wa St Lilian Academy mwena wa Gikambura Kiambu, araikirio ngono muthenya wa ira ni mbutu cia DCI uu ari thutha wake gukorwo ahingurite ngurubu makiria ma 10 cia WhatApp hamwe na Telegram na kuria arahenagia aciari ati ari na kigeranio giki gia CRE hamwe na anja ciakio, aciari na arutwo aria marari ngurubu-ini ici magitio gatagati ga ciringi 1,500 na 2,000 niguo maheo kigeranio giki hamwe na anja ciakio.

Onagukiri uguo thutha wa gutuiranio nake ni maabithaa a DCI na aria maraingirite ngurubu-ini ciake na kuambiriria mihang’o ya gucarania nake, mundurume uyu niaracokire guikio ngono hamwe kuria line cia thimu itiganite irahithukirio, ikirikana nicio akoretwo akihuthira kuhenia aciari na arutwo, kuria hari imwe cia ndumiriri ngurubi-ini cia WhatApp arari agathikite marihi ma igeranio ciothe, KCPE na KIPSEA aretagia ciringi 8,000 nakio kigeranio gia KCSE agetuia ciringi 20,000.