EACC guthuthuria kaunti 5 iguru ria wongumania wa magoti.
Written by Kayu Digital Team on October 28, 2023
- NAIROBI & ENVIRONS 91.0 | MT KENYA REGION 91.1FM
Thirikari ya kaunti ya Nairobi ni gatagati ka kaunti ithano na iria iri rungu rwa ndurumeni ya ruhonge rwa kurua na ungumania bururi-ini, EACC iguru ria wogomia wa magoti ma muingi kaunti-ini kuuma kuri mutaratara uria uthunduritwo wa urogoti magoti.
Kuringana na EACC niati tiga Nairobi kaunti ingi iria iri rungu rwa uthuthuria ni iria ya Narok rungu rwa ngabana Patrick Ole Ntutu, Kuanti ya Kajiado rungu rwa ngabana Joseph Ole Lenku, kaunti ya Machakos rungu rwa ngabana Wavinya Ndeti na kaunti ya Kilifi rungu rwa ngabana Gideon Mung’aro, EACC ikiuga ndumiriri-ini yao ati kuri na ucembia wa mutaratara wa magoti kaunti-ini ici ithano na uria uronereria imwe cia mbeca magoti mihuko-ini ya andu.
Kumana na uu mwaria wa EACC Eric Ngumbi niaugite uthuthuria niwambikitwo ni ruhonge ruru thutha wa riboti kuonania imwe cia kaunti ona ireka uru makiria urogoti-ini wa magoti oro mwaka, imwe ikirikana ona irandikithia magoti ma thi gukira ona mithubari yanahau kabere, undu riu EACC yugite uramana na unyitaniri wa aria mari ma miatmbo ya kurogota magoti na maabitha anene a kaunti kuogomia magoti ma muingi, riu uthuthuria ugikinyiririo niguo gutegura uici uyu.
