KIAMA KIA JUBILEE GUTHAGANIA MUTARATARA WA KUINGATITHIA NJA ABUNGE AREGENYUKI
Written by Kayu Digital Team on October 26, 2023
- NAIROBI & ENVIRONS 91.0 | MT KENYA REGION 91.1FM
Kiama kia Jubilee nikirutite mukana wa kugarurira makinya makio ma kwamura abunge eri gukorwo mari bunge-ini kugerera kiama giki.
Akiaria thutha wa Kigomano kinene gîa kiama giki guku Nairobi munini wa muikariri giti wa kiama giki David Murathe niuaga ta kiama nimakinyaniria îtua ria gukanja wamurani wa Sabina Chege gukorwo amuritwo rungu rwa kiama giki bunge-ini ya bûrûri hamwe na Kanini Kega ta mubunge wa bunge ya Africa ya Irathiro kana EALA kugerera kiama giki, Murathe ndumiririni yake ningi akiuria muhiuria mucarica wa aria anini bunge-ini Mark Mwenje kwambirira mutaratara wa kuruta abunge aria othe mahukite kiama bunge-ini kamiti-ini îrîa mathukiirwo rungu rwa kiama kia Jubilee.
Mwena-ini wake mwandiki munene wa kiama giki Jeremiah Kioni niokirira utongoria wa spika Moses Wetangula bunge-ini ya bûrûri akiuga matua make hari maundu ma utongoria wa bunge makoretwo marorereirio kuenderera mwahu wa Kenya Kwanza.
Atongoria aya maria miario îno thutha wa gutongoria mambura ma gukunguira miaka 62 ya president muhuruku wira Uhuru Kenyatta na uria ni mutongoria wa kiama giki makioya mweke uyu kuguguria kiria mauga “Operation Rudi Nyumbani” hari aria morire kiama-ini gîkî.
