Kaunti ya Kiambu niruguritie mutaratara wa mathako, mithemba yothe, maria maguciriirie makiria ma timu 710 kuuma wardini 60.

Ari ta njira imwe ya kugacirithia mathako guku bururiini, undu umwe na kumatha iheo citiganite gwothe maturaini,kaunti ya Kiambu niruguritie mutaratara wa mathako, mithemba yothe, maria maguciriirie makiria ma timu 710 kuuma wardini 60.Ngimithurano ici citanyitwo kunyitanwo mashati kwambiriria tariki 28 mweri wa ikumi. Hari ngucanio ici, Kabira ka maguro niko gegukorwo kari muthingi wacio, onagutuika ngarangano ici ingi ta basketball, netball, volleyball na handball nocigukorwo onacio cikirimanwo. Gitumi kinene gia kwambiriria ngucanio ici kauntiini ino, iria ciretwo ‘Governor’s Championship Cup’ nigutigirira muthiaini wacio nimacomoka na iheo itiganite, ngavana wa Kiambu kimani wa matangi akiuga nimegutigirira maundu mothe maria marabatarania niguo gucigacirithia nimakinyanirio.
Oho augite thirikari yake niiheyanite kandarathi ya gwakwo gwa kiharo gia Thika std,kiria gigwakwo undu gigukinyaniria ikiro ciothe cirabatarikana. Muingi wa kaunti ya Kiambu oho niukugunika na kiharo kia Nyamathumbi Stadium kiria ki mwena wa gatundu, kuona ni kimwe kia iharo iria ciri murainiini wa gukorwo cigiakwo weru.Ingi cia iharo iria ngavana wa matangi eraniire guthondeka ni Kanjeru Stadium mwena wa gabete,Githunguri Stadium, Ruiru Stadium gatagati ka ingi. Ngavana wa Nairobi Johnson sakaja na ngavana wa Kilifi Gedion mung’aro onao no amwe a aria manyitiite itemi inene hari gucarania na iheo mwanya mwanya hari mbeu njithi.