Ngabana wa Meru Kawira Mwangaza niahagurwo
Written by Kayu Digital Team on October 25, 2023
- NAIROBI & ENVIRONS 91.0 | MT KENYA REGION 91.1FM
Ari ni rita ria keri kirumaniririo, Ngabana wa kaunti ya Meru Kawira Mwangaza niahagurwo ni MCAs a bunge ino.
Hari ndereti na iria yatirihwo dagika nini mbere ya thaa igiri cia utuku wa umuthi, MCA 59 hari MCAs 69 nio makindira ndereti ya kuhagura ngabana Kawira Mwangaza, uu ari thutha wa MCA Evans Mawira guteamnia ndereti ya kuhagura ngabana uyu miaraho ya umuthi bunge-ini ya Meru, agikuruhanio na mahitia kihiri ari nita kuhuthira wabici yake uru gatagati ka mahitia mangi.
Riri ni ikereka ria keri ria Ngabana uyu na uria wathurirwo ta mundu kiumbe kuhagurwo, kuopna mweri wa dithemba mwaka muhetuku no ahaguritwo no agicoka kunyitiriirwo ni mbunge ya Senate.
Igeria ria mawakiri a Ngabana Kawira Mwangaza ria kurugamia ndereti ino ruci-ini rwa umuthi kugerera igoti ria gucokia macira riko nirikorirwo rikiringa ihiga, thutha wa igoti kuregana na riendikithia riake, kuria riu atanyitwo gwitetera mbere ya senate wona apika wa mbunge ya Meru arikia gutemania matua ma mbunge ino kuri mbunge ya senate.
