Magana ma bamiri iri ugwati-ini wa kumomorerwo miako iria makiite mugundaini wa Kirima kumana na itua ria igoti

Magana ma bamiri iria ugwati-ini wa kumomorerwo miako yao icigo-ini bunge cia Kasarani na Embakasi ya Irathiro kumana na itua ria igoti ria guthimindira wigwatiri wa mugunda uria makite niwa bamiri ya muteti mutigairi Gerrishon Kirima, ni ihoete kugie na miario gatagati kao na bamiri ino.

Makiria umuthi thutha wa gutungana, aria mahutitio ni itua riri na riria igoti kiumia giki riramaheire mieri itatu gukorwo mathamite mugunda-ini uyu wa acre ngiri 1, aikari aya nimaugite nimeharirie guikara thi na kwaraniria na bamiri ya Kirima iguru ria mugunda uyu niguo kugia na kihonia gia gutura kia wigwatiri wa mugunda uyu kugerera njira ciagiriire kuuna

Onagukiri uguo, ambunge a Ronald Karauri wa Kasarani na Babu Owino wa Embakasi East nimakinyiririe murugamo wa iakri aya kuaga kunyegenyuka igiru ria itua riri ria igoti, oo makiuga nimarikitie kuandikithia nutithi ya kuregana na itua riri igoti-ini, niguo kurugamia mutaratara uyu wa umomori wa miako ino, murugamo wa abunge aya ukionekana gukorwo uri mugaru na wendi wa aria makite mugunda-ini na aria oo marenda kwaraniria na bamiri ya mutigairi Kirima niguo kugia na uiguano iguru ria mugunda uyu na uria igoti rirakinyiririe niwa bamiri ino.