Kuuma ruciu gitiri mundu ugwitikirio kwendia indo cia miariro barabaraini ya Tom Mboya na Moi Avenue

Kuuma muthenya wa ruciu gutiri mundu ugwitikirio kwendia indo ciake barabara-ini cia Nairobi hamwe na mikira-ini ya barabara cia Tom Mboya na Moi Avenue Nairobi.

Akiaria thutha wa kugia na giiakaro na maabithaa a borithi a kanju hamwe na atongoria a endi a miariro a gatagati ka Nairobi, Ngabana wa Nairobi Johnson Sakaja oro ho niakinyiriirie gutiri biacara cia miario igwitikirio mikira-ini ya barabara ya Nairobi kana oro kana kuria andi mageragira, Pavement akiuga agathikite makinya maya niguo guteithiriria migendege ya andu na ngari na njîra ina uhuthu gatagati ka Nairobi.

Makîria ma ûû, Ngabana Sakaja mucemanio-ini wa umuthi niagucirie mathaa ma wendia wa miariro Nairobi na itha rimwe mbere kuria riu mariambagiriria wonjoria wao thaa ikumi cia hwai-ini, akiuga mutaratara uyu uguthii nambere kwa ihinda ria mieri itatu niguo kuona kana endia aya a miariro nimeguthingatana na mawatho maya meeru kuria ningi oririe onjoria aya marute wira hamwe na honge cia kanju na cia ugitiri Nairobi niguo kuhukia ciiko cia uici na îrîa ikoretwo ikiiongereka gatagati ka mucii wa Nairobi matuku ma ica ikuhi.