WAGAGU THUTHA WA MIITU YA MAHIU KUHITHUKIRA KAMBI YA GSU BARINGO
Written by Kayu Digital Team on October 24, 2023
- NAIROBI & ENVIRONS 91.0 | MT KENYA REGION 91.1FM
Gwatinda Riera ria wagagu umuthi kaunti-ini ya Baringo uu ari thutha wa miitu ya mahiu kuhithukira kambi ya mbutu cia GSU itura-ini ria Kapindasum na riri riri gicigo-ini kia Arabal Baringo na kwambiriria mutaratara wa kurathukia rithathi irorereirio kambi-ini ino.
Kuringana na munini wa cibu wa Arabal William Koech niati miitu ino ikinyiririe hakuhi na kambi ino na kwambiriria kurathukia rithathi, na gucoka guthiururukiria thukuru wa muthingi wa Kapindasum na uguo guthundura hahu makiria gatagati ka aikari.
Ihithukira ria kambi ino ya GSU hamwe na thukuru riukire ciumia ithatu tu thutha wa miiti ino ya mahiu kuhithukira thukuru uyu uyu oro ringi na kwaika mutaratara wa kurathukia rithathi, undu uria ukoretwo ukiiga aikari na hahu Munene.
