Kamiti ya uiguano kuuga nigukorwo ikiaririria kwambatira gwa thogora wa muturire

Kamiti ya wuiguano wa bururi na iria irambiriirie ciikaro ciayo County-ini ya Naikuru niguo kwandika riboti yayo ya Muthia thuutha wa kwamukira mendikithia kuuma kuri akenya nirikiitie kuiguithaniria ati ndereti ya thogora ya iguru ya muturire niigukorwo ikiheywo uruti uria ubatii uu .Kamiti ino niyagiite kuiguithaniria na hau kabere uhoro-ini wigii thogora wa iguru wa muturire , ndereti iria mwahu wa Azimio ukoretwo ugithingiriria no nginyagia ndereti ino iheyo uritu.
Muikaririri giti wa kamiti ino mubunge Kimani Ichungwa undu umwe na murunawe kuuma mwena wa Azimio Kalonzo Musyoka , makauga maya gukorwo ona magikuruhania ataramu thiini wa ndereti iyo niguo makorwo makiandika riboti nginyaniru.

Indi ona kamiti ino igithiaga na mbere na gwetha kihonia kia maundu martiganiite atongoria nguurani kuuma mwena wa thirikari nimonekeete kwagira kiene kamiti ino mubunge wa Kiharu ndindi nyoro akiuga mwahu wa Azimio no guoya ukoretwo ukienderia thirikari guku akiuga mamwe ma mendekithia mao matiri na uritu ona hanini. Miario ya Ndindi yuukiite thuutha wa Ngwataniro ya Azimio kuheana mukana wa kwaga gwikuruhania wandiki-ini wa Riboti ya muthia angikorwo ndereti igii ngarama ya muturire hari mukenya ndigukorwo ikiheywo uritu.