Igoti gwatha aria makiite mugundaini wa bamiri ya Kirima mathame kana mahamurithio

Akenya aria maikaraga na gwaka mwena wa Njiru, Chokaa na Mihango thiini wa mugunda wa makiria acre Magana kenda mwena wa Kangundo road riu manyitiriire nda na nguundi na kunyitwo ni hahu na kiriga na uu ni thuutha wa igooti gutuithania ciira wa mugunda uyu na kuria igooti riathaniite na kuuga mugunda uyu ni wa mutigaire muteti Gerishon Kirima. Riu aikari aya mahetwo nginyagia tariki 31 mweri-ini wa Dithemba makorwo mathamiite kuuma mugunda-ini uyu na kwaga uguo makorwo makimomorerwo na kuhamurithio. Igooti riugiite aria othe makiite mugunda-ini uyu matiri na maratathi oro mothe ma kuonania megwatiire mugunda uyu na njira iria njagiriru.
Riu aikari aya makiuga nimehaririirie kwaraniria na bamiri ya Kirima kuona o magurire mugunda uyu kuhetukira gikuundi kimwe na kuria riu maugiite nimetikiriite nimahiuririo na nikio mehoete kugia na wuiguano na ene mugunda uyu.