“Ni kieha kuona thirikari ya kenya kwanza ithiite na mbere kurituhiria mukenya muturire”, Raila guukirira thirikari

Ngwataniro ya Azimio yugiite niigukorwo ikiregana na riboti ya kamiti ya miario ya wuiguano angikorwo ndereti ya thogora wa iguru wa muturire ndigukorwo igikirirwo ta uria ibatii. Matongoretio ni mutongoria wa Kiama kia ODM Raila Odinga, nimookiriire President William Ruto na thirikari yake ni undu wa kiria maugiite ni guthii na mbere na kuoha akenya minyororo ya thogora wa iguru wa muturire.
Odinga agathii na mbere na kuuga ati President nionaniitie kuremwo na kwaga gutia ciiraniro iria eriire akenya hindi ya Kambi-ini.