“Mundu wothe uhiuritie munda wa muingi eheririe kung’ethera watho”,Commissiona wa Murang’a Mukuria kuuga.

Aria othe megwatiire migunda ya muingi mugaru wa watho County-ini ya Muranga nimarutiirwo mukana mururu ni County Commissioner wa mwena uyu Patrick Mukuria. Mukuria augiite aria oothe mehahamiire migunda ya muingi nimegukorwo magikinyukirio makinya mahiu ma kiwatho.
Mwena-ini wake Ngabana wa County ino Irungu Kangata akauga ciiko ici niciambatiriite na njira nene na kuria riu oritie muingi kwihuga na gwithema kuhiuurio na gwikora makienderio migunda ino.
Mukana uyu uheyaniitwo thutha wa riboti cia thuguri ya mugunda wa del monte kwiyumiria , mukuria akiuga mugunda uyu niwa thirikari na gutiri mundu wagiriire kwenderio kana kwendia.