Nditimoranocia MCAs A UDA Nairobi

Nditimurano ya utongoria wa MCAs a bunge ya kaunti ya Nairobi a mwahu wa kiama kia UDA ni itanyitwo kwiyumiria mwambiririo wa kiumia giguka uu ari thutha wa MCAs 35 kuhura kirore mutaratara wa kwendekithia kiama kimunyure atongoria eria kiama giki bunge-ini ya kaunti ya Nairobi.

Gatagati ga githiururi giki ni mutongoria wa aria anini na uria nowe MCA wa Waithaka Anthony Kiragu hamwe na muhuri mucarica wa aria anini na uria nowe MCA wa Umoja 2 Mark Mugambi na aria morotetwo iguru ria maundu kihiri ma utongoria mamwe ma maya ari kiria MCAs aya a UDA maugite nikwaga kurugama na mendikithia ma MCAs bunge-ini ya kaunti ya Nairobi hamwe na gutindika kiria MCAs aya maugite ni agenda ciao kugerera iturua handu ha iria cia ciama.

Gukiri uguo MCAs aya 35 na aria mahurite kirore mutaratara wa kuhagura eri aya utongoria-ini wa kiama nimatanyitwo kugia na mucemanio wabici-ini cia kiama kia uda muthi wa oke, niguo gukunjura mateta mao kuri utongoria wa kiama, magikinyiriria namba ya gicunji kia 2 hari ithatu iria yendekagana hari kunyitirira mohgaruruku ma utongoria nio yagiriirwo kuhimbirio ni kiama na gutindika aya nja ya utongoria.

Mbara ici cia utongoria mbunge-ini ya kaunti ya Nairobi iroka oriri ningi kiama giki kia UDA gitanyitwo kugia na ithurano ciakio kuuma mweri wa dithemba mwaka uyu, makinya maya mothe makirikana no mamwe ma maria mararwo niguo kurungirira utongoria wa kiama giki kuuma matura-ini na kiria amwe ma MCAs maugite nikirabatara utongoria uri na mayu bunge-ini oro hamwe na nja wa bunge-ini kaunti ya Niarobi.