Mabithaa eri a borithi guikio ngonoiguru ria ungumania
Written by Kayu Digital Team on October 21, 2023
- NAIROBI & ENVIRONS 91.0 | MT KENYA REGION 91.1FM
Riri munguriririo wa kuhitana na amaabithaa a borithi aria makoretwo magitambia ciiko cia ungumania ruhonge-ini uthiite na mbere, maabithaa eri a borithi kuuma Naironi nimaikitio ngono makigiritanio na ciiko oro ici cia witia wa mahaki.
Eri aya aria makurikanite ta Raphael Nzioka na Nancy Kerubu kuuma ceceni ya borithi ya Eastleigh North, Kamukunji makitio ngono mari mutaratara-ini wa guitia mahaki ma ciringi ngiri 100 uu ari thutha wa kuhithukira nduka imwe mwena uyu wa Eastleigh ya wendia wa thimu na gukua thimu cia muigana wa ciringi ngiri Magana 300 kuria riu maretagia mahaki maya niguo gucokia thimu ici.
Mutego wa kunyita aya urahagikirwo ni ruhonge rwa EACC na njira ya kuneana kigina giki na kiria kiracungiririoo oo guikio ngono, na gutwarwo ceceni-ini ya borithi ya Kilimani, mwaria wa EACC Eric Ngumbi akiuga nimakoretwo makiamukira mateta kihiri ma borithi megimanie na mahaki na maria augite meguthii nambere na guthuthurania namo.
