Thirikari ya Nairobi kuuga nigutacukia ikinya ria kiwatho kuri abithaa wa kanju uria uraingirirte ngari ya mundu kiumbe
Written by Kayu Digital Team on October 20, 2023
- NAIROBI & ENVIRONS 91.0 | MT KENYA REGION 91.1FM
Kurumirira unyagia wa mukwa wa Video wa abithaa umwe wa kanju ya Nairobi na uria urahingiritwo ngari-ini ya mundu kiumbe na guthururukio na muthia gutiganirio tauni-ini ya Kitengela, thirikari ya kaunti ya Nairobi niyaniriire ni igutacukia ikinya ria kuherithia abithaa uyu, no igakinyiriria niwona uthuthuria wayo warikirira kuuna.
Kuringana na karani wa kanji ya Nairoibi Patrick Analo niati onathengia wa gukorwo abithaa uyu ari na mahitia ma kuingira ngari ya mundu atetekiritio, ona muiritu uria wacokire kumuhingira na muthia kumutiganiria Kitengela ari ona mahitia kuona niangiatwarire ngari yake ceceni-ini ya borithio oro kana ceceni-ini oro yothe ya Kanju na kuhura riboti iguru ria giko giki.
Onagukirio uguo Analo niaugite uthuthuria wa abithaa uyu warikirira kanju ya Nairobi ndikumairiria gutacukia ikinya hari wee iguru ria giko giki na kiria kiracungiriria ndereti hiu nenda-ini cia ukinyaniria na gutiga kanju ya Nairobi oro ringi ningi ing’etheirwo ni muingi iguru ria utungata wao kuri muingi.
