President Ruto kuruguria mutaratara wa UHC uria utanyitwo gutigirira mukenya wothe aririgitagwo buri.

President William Ruto augite kuuma bururi wa Kenya wigwatire wiyathi ,thirikari ni ikoretwo ikigeria kugathika mithingi mirumu sekta-ini ya ugima wa mwiri , na gukiri uguo thirikari ya kenya kwanza ni irikitie kuruguria mutaratara wa UHC uria utanyite gutigirira ati mukenya wothe niamukira motungata ma ugima wa mwiri na gutiri mukenya ukaingatwo thibitari ni kwaga kigina
president augite niguo gukinyaniria undu uyu thirikari nene hamwe na cia kaunti ni ikunyitanira na gukorwo ikiriha atungata a ugima wa mwiri, aria marikoragwo magitungata matuura-ini muiria mundu ahatiriirio ni ndwari
hari o mutungati wa ugima wa mwiri o umwe wao arikoragwo agitungatira nyumba igana rimwe , na thirikari ni igutigirira ati mari na matonyo hamwe na indo ciothe iria maribataraga niguo gukinyaniria undu uyu , na atungati aya no marikoragwo magitungata ona mirimu iria minene

Ihinda-ini riu president augite thirikari ni igukorwo ikihuthira njira cia kiriu cia ukinyaniri a hari kuoya riboti na mibango ya gutwara motungata maya matura-ini , kuria makiria ma thimu ngiri igana rimwe iheanitwo kuri atungati a ugima wa mwiri niguo gukinyaniria undu uyu

Ruto augite mutaratra uyu wa uhc urirongoragirio gutigirira mukenya wothe niamukira motungata ma ugima wa mwiri thengia ya mucaara wake kana mbeca iria arikoragwo nacio , na nikio aruguritie mutaratra uyu ithenya-ini ria nhif, kuona thiini wa mubango uyu wa uhc mukenya ariamukagira motungata m aurigitani thibitari-ini kuuma level 1 nginya 3 utari marihi