Andu 30 aria makuruhanitio na githagathago Mavoko kuurio mekinyie wabiciini cia DCI

Riri umomori wa manyumba urathii na mbere mwena wa Mavoko na kuria magana ma andu matigitwo magitara hathara ya mamillioni ma mbeca , riu ruhonge rwa DCI nirwathiite andu mirongo 30 makorwo magiikinyia wobici-ini nene cia ruhonge ruru mwena wa Muthaiga. Gatagati-ini ka aria maathitwo gwikinyia wobici-ini ici niguo kuheyana riboti makiria na cia mwanya ciigii mugunda uyu ni hamwe na Mubunge wa Mavoko Patrick Makau, arugamiriri anene a thothaiti ya Aimi Ma Lukenya anene a ugitiri aria maari mwena ucio riria mgunda uyu wendagio.
Ihinda-ini o riu mwahu wa Azimio utongoretio ni mutongoria wa kiama kia ODM undu umwe na mutongoria wa kiama kia Wiper Kalonzo Musyoka nimamenereirie umomori uyu guku magiukirira anene a borithi mwena uyu ni undu wa kiria maugiite nio gwitikira kuhuthirwo kwagarara ihooto cia umundu. Atongoria aya maritime uu thuutha wao kugirio kuingira mugunda-ini uyu muthenya wa ira.