Nduhiu kuri arimi a matumbi oriri itumbi ria mucamuro ritanyitwo gukinya ciringi 30 nayo turee ya matumbi gukinyia 500

Arimi a nguku cia matumbi na aria makoretwo magikaya iguru ria uthararu wa thoko na thogora wa iguru wa irio cia nguku riu nimabiririe gutara baita uu ari thutha wa matumbi kwambiriria kuguciriria thogora mwega.

Kuringana na aria mendagia matumbi kaunti-ini ya Nairobi thogora wa itumbi ria mucamuro na riria riri endi aingi tauni-ini ino waya gukinya mirongo itatu riu, uu ari thutha wa turee ya matumbi kwambatira kuuma thogora uria maraguraga nahau kabere wa gatagati ka ciringfi 400-450 na guthii nginyagia Magana 500.

Nduka-ini kuri aria makoretwo makigura matumbi na ciringi 15-16 onao maya gutigwo riu makigura itumbi riri gatagati ga ciringi 18-20 thogora uyu ukionekana kuhatika aingi no gutuika gikeno kuri arimi