Kiama gia kuruira ihoto cia umundu KHRC guukirira thirikari iguru rigii umomori wa nyumba uria urathii nambere ,Mavoko

Kiama gia kuruira ihoto cia umundu bururi-ini KHRC nigiukiriire thirikari iguru ria mutaratara uria urathii nambere wa kumemenda miako ya andu mugunda-ini wa Athiriver, Mavoko kaunti-ini ya Machakos, kuria kiuritie mihang’o ino irugamio kuuna.

Hari ndumiriri kiama giki kia ihoto cia umundu bururi-ini kiugite mutaratara uyu wagiriirwo gukorwo uri na nutithi ya mieri itatu mbere ya ukinyanirio, na uguo gikaruta mukana wa guthii igoti-ini kurugamia mutaratara uyu na uria urete maithori kuri Magana ma aria mari na miako yao mugunda-ini uyu kuuma muthi wa jumamothi kiumia kihetuku.

Maya mokite riri kambuni iria nio nenye mugunda uyu ya East Africa Portland Cement umuthi yaniriire niikwaruka mutaratara wa wendia wa mugunda uyu, ikuga hari gitangatho kiao aria mekuheo mweke wa mbere ni aria marari mugunda-ini no maramomorerrwo miako yao.