Kieha na kiagago thutha wa bamiri makiria ma 1,000 gutigwo matari na wiikaro,Mavoko,Machakos

Thirikari ya Kenya kwanza rungu rwa President William Ruto niikoretwo ikiuga ati gutiri mukenya urimomoragirwo nyumba kana mucii wake na gutigwo agithinikanio ni ukigia na mirimu ya meciria indi andu niguthamio marithamagio kuuma handu hamwe nginyagia haria hangi. President na munini wake makoretwo makiuga uyu ni undu uriikagwo na mubango murumu niguo kweherania akenya minyamariko-ini ya gutara hathara thuutha wa kumomorerwo nyumba ciao.

Indi ona kuri na ciiraniro ici kuuma kuri President na munini wake , riu bamiri makiria ma 1000 mwena wa mavoko kaunti-ini ya Machakos riu matigiitwo matari na wuikaro , ciana igitigwo itari na mathukuru thuutha wa micii yao kumomorwo gukiirikana uyu ni mugunda wa kambuni ya East Africa Portland. Aikari aya riu makimenereria ikinya riri guku makiuga riu matigiitwo mari ngia kuona thigino yao ya miaka mingi riu niirikiitie guitirirwo ruui. Aikari maugiite matiraheetwo notithi ya umomori uyu.