CS Kindiki kuuga maobithaa a guku Kenya nimakurikanite muno agitetera itua ria maobithaa aya gutumwo Haiti

Thirikari niiteteire ikinya na itua riayo ria gutuma maobithaa a borithi
bururi-ini wa Haiti Kuhurana na njangiri iria ikoretwo igithagathagia
thayu wa bururi ucio kwa ihinda. Akiaria ari mbere ya Kamiti igii
ugitiri, Minister wa ugitiri wa thiini na mibango ya thirikari Prof.
Kithure Kindiki augiite maobithaa a borithi a guku bururi-ini
nimakurikaniite thiini wa thi ni undu wa mathomo ma mwanya maria
makoragwo mamukiriite guku akiuga riri ti rio rita ria mbere bururi wa
Kenya gutuma maobithaa ayo nja ya bururi. Kindiki akauga thirikari
niyaambite gutuma maobithaa a thirikari bururi-ini ucio niguo gutabania
uthurimi na thuutha ucio magitemania riboti makiuga ni hari bata wa
gutuma maobithaa a borithi bururi-ini ucio wa Haiti.