Miario ya ndemano irongoreirio Dp Gachagua
Written by Kayu Digital Team on October 7, 2023
- NAIROBI & ENVIRONS 91.0 | MT KENYA REGION 91.1FM
Njatukano thiini wa thirikari na makiria hari atongoria aria maumite gitaru-ini gia gatagati ka bururi no ithiite nambere na kwiyumiria muingi-ini oro gwakia.
Uu ni thutha wa mutari wa president wa maundu ma utonga David Ndii kuonekana gukirira atongori amwe aria mari thirikari-ini na aria augite nimakoretwo makimwenderia guoya wira-ini wake.
Hari ndumiriri rurenda-ini rwa twitter umuthi, Ndii na uria watiganiriirie mihang’o ya gutara president muhuruku wira Uhuru Kenyatta thirikari yake, niaugite wee ndeharirie gukuyaga rwimbo rwa atongoria ahana ta mutari thirikari wa maundu ma utonga, akiuga wira wake ni gukunjura utari kuri president kuringana na uria kwagiriire.
Gukiri ndumiriri-ini yake Ndii niakinyiririe ndegucoka na thutha gacira-ini ka wira wake thirikari-ini, miario yake igiuka thiku nini tu thutha wake kung’etherwo ni munini wa president iguru rigie miario yake kuri muingi hari thogora wa maguta, ndumiriri yake ikionekana ta irarongoreria oro ung’ethnairi-ini uyu wake na munini wa president muthenya wa umuthi.
