Mburuka iria iraingirira uheani wa bataraitha ya raithi kurutirwo mukana Embu

Mburuka iria ikoretwo na mutugo wa kunyagia weru bataraitha ya raithi kuuma kuri arimi ni ihetwo mukana mururu wa gutiganiria ciiko ici kaunti-ini ya Embu.

Mukana uyu ukunjuritwo murugamiriri Munene ruhonge rwa thothaiti kaunti ino ya Embu, Millicent Wanja na uria ugite mutaratara wa kunyagia bataraitha makiria ma mihuko 4,600 niyambiririe kaunti-ini ino ya Embu kuuma kuri thirikari nene, akiuga arimi a kahua nimekwamba gweterera hanini mbere ya bataraitha yao ikinye thitoo-ini cia thirikari kaunti-ini ino.