President Ruto kuuga aria makoretwo magitabania thariko Sondu ni magutacukirio makinya maruru ma kiwatho.

Kurumirira mbara cia iruka iria ikoretwo ihutitie gicigo gia Sondu na kiria kiri muhaka-ini wa kaunti cia Kisumu na Kericho, president William Ruto niathite minister wa ugitiri wa bururi Kithurew Kindiki akinyanirie mungururirio wa kuhitana na andu aria othe makoretwo magiakiriria mbara cia iruka gicigo-ini giki.

Akiria thutha wa kwambiriria icera riake ria thiku inya kaunti-ini cia Nyanza ari itura-ini ria Kabonyo, Kisumu, president Ruto niakinyiriria thirikari ndikuhe mundu kana gikundi kia andu ihinda oro riothe ria gutabania ngero cia uragani kuri akenya, akiuga aria othe maragera ngero icio nimekuhitwo na gukinyio igoti-ini, mutaratara uria auga niarikitie guatha minister Kindiki athingate niguo gucokia thayu mwena uyu, ndumiriri ya president Ruto igiuka riri andu 6 marikitie gukua kumana na ngahiha ici na iria icokete ikererka ria keri mwaka-ini uyu.