Andu 3 aria marutaga wira NTSA guikio ngono magikuruhanio na mihang’o ya magendo
Written by Kayu Digital Team on October 6, 2023
- NAIROBI & ENVIRONS 91.0 | MT KENYA REGION 91.1FM
Aruti wira 3 a ruhonge rwa ukuui bururi-ini NTSA ni gatagati ka andu 11 aria maikitio ngono ni mbutu cia ugaceru, DCI iguru ria gukuruhana na mihang’o ya magendo ya wandikithia wa ngari bururi-ini.
Kuringana na ndumiriri iria ikunjuritwo ni ruhonge rwa DCI niati atatu aya aria ni Anthony Waithaka, David Migwi and David Kimaren makoretwo makinyitanira na maabithaa kuuma ruhonge rwa KRA na andu angi gutabania ciiko ici kugerera kugia na kanya mutambo-ini wa NTSA, ukora uria DCI ciugite ciumburanitie thutha wa kugia na kanya ga kurora mutambo uyu wa NTSA.
Makiria ma uu, DCI niyugite mwikuirwo Munene na uria ukoretwo ugitabania ciiko ici ukurikanite ta Jimmy Kibet Wayan niarikitie guikio ngono ari nyumba-ini imwe mwena wa Lavington, hamwe na abithaa umwe muteithiriria mihang’o-ini ino kuuma ruhonge-ini rwa KRA ukurikanite ta Boniface Njoroge
Tiga aya angi aria maikitio ngono ni hamwe na Denis Wafula, Anthony Kariuki, Marvin Renisi, Julius Kiprop, Amos Muthaki na ungi ukurikanite ta Caleb.
