MUSALIA MUDAVADI KWAMBARARIO MAKIRIA MOGARURUKU-INI MA THIRIKARI

Mwaka umwe thutha wa kuyukia thirikari, president William Ruto niahirutie minister ake rucamio thirikari-ini yake na gutabania mogaruruku hari ministry itiganite, minister amwe makionekana kuhururwo matamu mao riri angi monekanite kuandurirwo mathagu ma wira. Hari mogaruruku maria aratabanie hwai wa ira, nyabara wa minister Musalia Mudavadi niwe uronekanire kuambarara makiria uu ari thutha wake guthukirwo ministry ya maundu ma nanja, riri minister Alfred Mutua na uria urari giturua-ini giki arathamiirio ministry-ini ya ugendi na nyamu cia githaka. Makiria ma uu minister wa iganda na wonjoria Moses Kuria onake niahururirwo mathagu make thirikari-ini, uu ari thutha wa kumunyurwo ministry-ini ino na guthamirio iria ya utungata wa muingi na iria irahuranirio maita meeri, minister Aisha Jumwa agitigirwo ministry ya maundu mwamu na unduire, kuria nake minister wa kuria kumagaru na unyitaniri wa Africa ya Irathiro Rebecca Miano arathukiirwo ministry ya Iganda na Wonjoria. Alice Wahome na uria ica ikuhi ukoretwo gatagati ga githiururi gia githagathago kia uthuthuria wa kambuni ya maai ya Athi Water Works onake ndanetiria mogaruruku maya, kuria arathamiirio ministry-ini ya migunda, miako na waki wa manyumba, riri minister Zacharia Njeru arathamiirio ministry-ini ya Maai, na muthia nake minister wa Ugendi na nyamu cia githaka Peninah Malonza nake arathimirio ministry ya kuria kumagaru na unyitaniri wa Africa ya Irathiro. Mogaruruku maya marakunjurirwo ni president kugerera Munene wa utungata wa muingi Felix Koskei.