HELB KWAMBIRIRIA KUNYAGIA NGOMBO CIA ARUTWO CIA MATHOMO

Thutha wa gutungio mbukirira kwa ihinda kuuma kuri arutwo, thirikari kugerera ruhonge rwa unyabari ngombo cia mathomo rwa HELB niirambiririe kunyagia mbeca cia mathomo kuri arutwo a unibathiti na thukuru cia kothi cia moko bururi-ini. Mutaratara uyu na uria urambiririe muthenya wa ira, ugutiga arutwo ngiri 175 mathukiirwo kigina kia mathomo mathukuru-ini ma unibathiti riri nao arutwo ngiri 700 meguthukirwo kigina giki mathukuru-ini ma kothi cia moko kana TVET. Kuringana na ndumiriri ya murugamiriri Munene wa ruhonge rwa HLEB Charles Ringera niati mutaratara wa unyagia wa kigina giki uratwarana nah aria murutwo amukagira kigina giki, riri ningi akinyiririe bata arutwo a mwaka wa mbere mathomo-ini ma unibathiti na TVET mahikane na mahinda kwiyandikithia mutaratara-ini mweru wa uthuki wa ngombo cia mathomo mbere ya utirihitwo tareki 7 mweri-ini uyu ari ni muthi wa jumamothi ino.