NGABANA AMOS NYARIBO WA NYAMIRA KUHONOKA KUHAGURWO NI MCAs
Written by Kayu Digital Team on October 4, 2023
- NAIROBI & ENVIRONS 91.0 | MT KENYA REGION 91.1FM
Ngabana wa Nyamira Amas Nyaribo nihonokete kuhaguranio ni MCAs kaunti ino, uu ari thutha wake kuhota kuiguithia MCAs aria aingi kuregana na riendikithia riri. Nyarobo arahonokire rucamio rwa MCAs aya thutha wa MCAs 18 handu-ini ha MCAs 34 kuregana na riendikithia ria kumuhagura, na uguo gucungiriria uikia nja wa riendikithia rai kumuhagura na riria riratemanitio bunge-ini ino kiumia kihetuku ni MCA wa Esise Josiah Mang’era akienda ngabana uyu ahagurwo iguru ria uhuthiri muuru wa wabici. Thiini wa ndereti ino MCAs 16 nio marahotire kunyita mbaru mutaratara uyu, na uguo kugia na ukundure wa MCAs 8 niguo gukinyithia MCAs 24 ari ni gichunji kia igiri hari ithatu kiria kirabataranagia niguo kuhagura ngabana uyu na uria uri ikereka-ini ria keri ria utungata wa ungabana kaunti ino ya Nyamira. Thutha wa urebania wa ndereti ino, riu maitho mothe marorereirio kaunti-ini ya Meru kuria nakuo MCAs a kaunti ino meraniire gutabania ndereti ya keri ya kuhagura ngabana Kawira Mwangaza kiumia giguka.
