MINISTER MOSES KURIA GUTETERA NGABANA KAWIRA MWANGAZA

Riri ndereti ya kuhagura ngabana wa kaunti ya Meru Kawira Mwangaza ikirie kwariirwo bunge-ini ya kaunti ino kiumia giguka, minister wa iganda na wonjoria Moses Kuria niakinyiririe murugamo wake wa kurugama na ngabana uyu, akiuria atongoria magie na unyitaniri gitaru-ini giki. Ndumiririni yake kuri atongoria kaunti-ini ino kugerera rurenda rwa X, Kuria nionekanite kunyitirira ngabana Kawira Mwangaza, akiuria atongoria gitaru-ini giki matiganirie njira ici na kuhe kanya utungtata kuri muingi. Kuringana na Minister Kuria atongoria kuuma gitaru giki magiriirwo gutigira mihang’o ya kuhagura ngabana icigo ingi, akiheana ngerekano ya kuhaguka kwa utungata kaunti-ini ya Kiambu riria ngabana Ferdinand Waititu ahagurirwo, na uguo kuria atongoria manyitanire gutungatira muingi. Minister Kuria niwe mutongoria wa mbere kuhugukira ndereti ya atongoria a Meru ya kuhagura ngabana Kawira Mwangaza, na iria atongoria kuuma Meru moritie thirikari nene na atongoria angi gutiganiria.