Kieha na kigiriko thutha wa kairitu ka miaka 13 kunyitwo kiahinya gagithii thukuru.
Written by Kayu Digital Team on October 3, 2023
- NAIROBI & ENVIRONS 91.0 | MT KENYA REGION 91.1FM
Kairitu kamwe ka ukuru wa miaka 13 kuuma Suna ya Ithuiro kaunti-ini ya Migori karamukira urigitani thibitari-ini wa Migori Referral uu ari thutha wa kunyitwo kiahinya mathaa-ini ma kiroko gagithii thukuru.
Kuringana na chibu wa itura ria Suna Oruba Charles Ouma niati kairitu gaka karatunganire na ngero ino thutha wa kuhenererrio gakuo na ngari gagithii thukuru mathaa ma kiroko, na kuria thutha-ini karatwarirwo githaka na kunyitwo kiahinya na gucoka gutiganirio ni mugeri ngero ino.
Makiria ma uu Ouma niaugite igeria ria kuhikana na mutabania ngero ino kuuma kuri atwarithia a nduthi niriringire ihiga onathengia wao kuoya namba ya ngari iria irahuthikire kuhenereria kana gaka, no muthia akauga onathengia wa ngari gucoka kunyitwo mugeri ngero ino ya unyamu arari etharite na kumitiganiria, riu akiuga honge cia borithi niirikitie kuoerera uthuthuria uyu niguo gukinyiriria kihoto gia kairitu gaka na karia karathii nambere na kwamukira urigitani.
