Current track

Title

Artist

Ngabana Kawira ari rugioni ruhiu rwa atongoria a Meru thutha wa president Ruto na munini wake Gachagua kumwithamba moko.

Written by on October 2, 2023

  • NAIROBI & ENVIRONS 91.0 | MT KENYA REGION 91.1FM

President William Ruto na munini wake Rigathi Gachagua nimaniriire gwithengania kaimana ana mihang’o ya gucaria thayu gatagati ka atongoria kaunti-ini ya Meru, riu makiranira gutigira uigiririki uyu atongoria kuuma kaunti ino.

Akiria igongona-ini ria kanitha, kaunti ya Meru, munini wa president Rigathi Gachagua niarakinyiririe haria mihang’o yake na president ikinyite ya kuiguithania atongoria na makiria ngabana Kawira Mwangaza na atongoria angi ni iringite ihiga, riu akiuria atongoria kuuma kaunti ino gucaria kihonia kia mathina ma utongoria wao kugerera oo kiumbe, ndumiriri ino ikionekana gwithamba kwa eri aya kaimana na guthairira ngabana Mwangaza na uria riu ari rugio-ini ruhiu rwa atongoria kaunti-ini ino.

Ni mugambo wonekanite kuhimbiririo ni atongoria kaunti-ini ino makiuga riu nimekuhota kuhinyia mihang’o ya guthondekania utongoria wa kaunti ino, ikinya riri riu rikionekana ta ria kuhe MCAs kaunti-ini ino mugambo wa gukindira kuhagura ngabana Kawira Mwangaza na uria ukoretwo na mbara na atongoria aria othe kaunti-ini ino, MCAs a ciama hakuhi ciothe kaunti ino riu makirongoreria gukirania njura ciao mbunge-ini ya kaunti kujmia-ini giki na kuhagura ngabana ikererka ria keri, kuona muthia wa mwaka muhetuku no ahaguritwo ringi no agitiriirwo ni mbunge ya senate.


Current track

Title

Artist