“Ndiramuitigira ona hanini”, Minista wa maai Alice Wahome kuorota mumbunge wa Maragua Wamaua na murunawe Betty Maina

“Mutikone ni ndimukiriire mwicirie ni ndiramwitigira kuona onanie ndari oro muteti mbere ya gutuika minister thirikari-ini”.

Miario ino ya mukana itunganitio ni minister wa Maai thirikari-ini Alice Muthoni Wahome ari kaunti-ini ya Murung’a, kuri mubunge wa Maragua Mary Waithira Wamaua na murunawe murugamiriri atumia Betty Maina na aria augite nimakoretwo magiakiriria mbara ya kumuhurithia kuri muingi kaunti-ini ino iguru ria maai, akiuga ta minister wa maai nioi mathina ma maai kaunti-ini na ari mutaratara-ini wa kurehe kihonia gia gutura, no indi akauga maya matingikinyanira angikorwo atongoria amwe kaunti-ini mokira oro muthenya no kumuhura na kumumenithia kuri muingi oro wa kuria aumite.

Wahome aritie uu ari igongona-ini ria kanitha-ini wa Gatoleki St. Charles lwanga mwena wa Kenol, akiuga mbara iria ciambikitwo umurongoreirie kuuma kuri atongoria aya eri ciaya kuhotomia utungata kuri muingi wa kaunti ino, akiuga nieharirie kwaraniria na atongoria kuhitana na thina wa maai Murang’a. kihonia gia thina Maragua, Kandara na Kigumo akiuga ni ukinyaniria wa waki wa Ndemu ya Maragua 4,  tabararira aino akiuga nio ministry yake irakinyanira nao, no akauga  uteti wa uthimani icoka gutiri uguni muingi ukuona.