Itua ria gutuara borithi 1,000 cia ugitiri bururini wa Haiti rikumenyeka umuthi
Written by Kayu Digital Team on October 2, 2023
- NAIROBI & ENVIRONS 91.0 | MT KENYA REGION 91.1FM
Itua ria kana bururi wa Kenya ni ukuheo kanya kugerera mbutu cia borithi 1,000 nimekuheo kanya ga gutungata mihang’o-ini ya kiugitiri bururi-ini wa Haiti rikumenyekana umuthi.
Uu ni thutha wa mabururi 15 a kanju ya kiugitiri rungu rwa ngwataniro ya urumwe wa mabururi gucuka kura igimainie na wendi wa bururi wa America gukuruhania Kenya kugerera mbutu cia borithi kurungirira ugitiri bururi-ini uyu, kuria hari mabururi maya 15, mabururi 9 no nginyagia manyite mbaru riendikithia riri niguo kuhetuka.
Ikinya ria Kenya ria gwitikira kuhuthira borithi ao kurungirira ugitiri bururi-ini wa Haiti rirakinyanirio mweri muhetuku icera-ini ria president William Ruto bururi-ini wa America, kuria mabururi maya maiguithaniirie kunyitirira bururi uyu kiugitiri, borithi a Kenya magitanywo kunyitanira na angi thiini wa thi gutambia mathomo ma kiugitiri kuri aruna ao a Haiti oro hamwe na kurangira kundu ngurani.
Bururi uyu wa Haiti warekeire mbara-ini uu ari thutha wa president wa bururi uyu Jovenelo Moise kuuragwo miaka iri mihetuku ni gikundi kia ekinai bururi-ini uyu.
