Timu cia mubira wa Hockey niitanyitwo gukarirukia bendera ya Kenya 2024 Paris Olympics

Timu cia bururi cia kabira ka hockey mwena wa arume na mwena wa nyarari, na iria citanyitwo kurirukia bendera ya Kenya ngimuthuranoini cia kumatha kanya ga gututhurana hari 2024 paris Olympic, nicicerehuriirwo athaki nginyagia athaki 25 hari o timu.Uu uukiite thutha wa mutaratara uria ukoretwo ugitwarithio nambere wa gucagura nguthi cia athaki aya, na uria uratabanagirio kauntiini cia Nairobi, Kisumu, Mombasa na kakamega kwa ihinda ria mieri 4. Timu ino mwena wa arume ina aguimi a mbao 5, anyagia a kabira 9, ateithiriria a murangiri wa karango kana defenders 8, na arangiri karango 3. Mwena wa nyarari aguimi a mbao ni 7, anyagia a kabira 7, ateithiriria a murangiri wa karango 8, na arangiri a karango 3.Athaki aya kwa ihinda riri marikitie mehariririaini niundu wa ngucanio icio cia kumatha kanya ka ngimuthurano cia Olympic, iria cikanyitanwo mashati kwambiriria tariki 29 nginyagia tariki 5 mweri wa November. Timu ici ciikarite cietereire, thirikari imateithiririe niguo kurika mehariririaini kundu kwega, kuona nimarabatara guthii nambere na gukimithurana mehariririaini niguo kumenyekana athaki aria ega makiria kuona nonginya macerehurwo ringi matigare athaki 18 o hari tiomu.Ngimithurano yambere mwena wa arume, makarimana na timu ya bururi wa Egypt,kuria nacio nyarari cikarimana na Zambia.