“Mucokie migunda iyo nayu”, Ngabana Wamatangi kurutira aria mihuriirie migunda ya muingi mukaana.

Aici a migunda ya muingi kaunti-ini ya Kiambu nimahetwo mukaana wa kuhundura tittle cia migunda ya muingi kuri thirikari ya kaunti ino.Mukana uyu ukunjuritwo ni ngabana wa kaunti ino ya Kiambu Kimani Wamatangi ari gicigo-ini kia Ruiru kuria akinyiririe uici wa migunda ya muingi niwihiririe na njira nene kaunti-ini ino, na uguo gutiga kaunti ino itari na kundu ingiaka tabarira cia ukuria ta mathukuru na thibitari kuri muingi undu uria augite ni ugwati.

Gukiri uguo Wamatangi niarutite mukaana kuri aria makoretwo mari na mutugo uyu, akiuga thirikari yake niikwambika mungururio wa kuhitana na aici aya a migunda ya muingi, mworoto ari ni kumihundura kuri muingi niguo gutungania tabarira cia muingi ta Thibitari na iria augite ikoretwo ikiaga gutungana niundu wa uheheti wa migunda ya muingi kaunti-ini ino.