Andu makiria ma 200,000 a kuuma icigo itiganiite cia Nairobi mari ugwatiini wa kwagagio ni El Nino

Aikari makiria ma 200,000 kuuma kundu Magana 463 kaunti-ini ya Nairobi mari ugwati-ini wa kuhutio na njira nene ni mbura ya muniko ya El Nino na iria itanyitwo gutheca thi kuuma mweri uguka wa ikumi bururi-ini.

Hari riboti ya thirikari ya kaunti ya Nairobi kugerera abithaa wa gutangikira mitino kaunti-ini ino Bramwel Simuyu, matura mamwe maria mari ugwati ni maria makoragwo na nyumba cia icagi ta Kibera, Mathare, Njiru, Ruai gatagati ga kungi, thirikari ya kaunti ikiuga iri mutaratara-ini wa guthamia aria mari kundu ugwati mworoto ari ni kuhitana na hathara iria ingiumana na mwaraho wa maai kumana na mbura ino, karani wa thirikari ya kaunti ya Nairobi Patrick Analo akiuga ugwati ungi marahitana naguo ni uria wa miako itakinyithitie ikiro na iria onao ni ugwati mahinda-ini ma mbura.

Na kuona ugwati wa mbura ni ucungagiriria nginyagia kuiyura kwa rui rwa Nairobi, maabithaa aya nimathingatite aria maikaraga hakuhi na rui rwa Nairobi na makiria icagi-ini cia Kibera, Mukuru na kundu kungi onao kwihariria guthama niguo gwithemana na hathara iria ingiumana na mbura ino ya El Nino, ukinyiriria Munene ugikirirwo hari urungiriru wa miako na iria itakinyithitie ikiro na iria onao ni ugwati kuri muingi mahinda-ini ma mbura.