Akenya makonorete maitho metereire ngimithurano cia Sakaja Super Cup muthenya wa Jumamothi.

Ari njira imwe ya kugacirithia mathako bururiini na gutigirira o kaunti niyethana na iheo cia mwanya,ngavana wa mucii Munene wa Nairobi Johnson sakaja niaruguritie kabira ka maguru karia karetwo sakaja super cup.hindi ya kurugurio gwa kabira gaka, igongona riria riratabanagirio nyumbaini ya Nairobi city hall, Endi kabira aingi nimareyumiritie na njira nene.Timu 340 na makiri ma mbeu njithi kuuma icigo mbunge ciothe 17 cia guku Nairobi ni makunyita itemi ngucanioini ici, iria cikahurwo cabi muthenya wa jumamothi, na citanyitwo gutirihwo tariki 16 mweri wa December mwaka uyu.Sakaja niareraniire guteithiriria mbeu njithi na njira nene, akiuga matanya make niguteithiriria mathako mothe ateguthutukania na to mubira tu,kuona agukorwo agiethana na iheo cia mithemba miingi.Ngavana uyu ongereire kuuga ati hindi ya ngimithurano ici, scouts magukorwo mari mihang’oini ya kugwemana na andu aria mari na iheyo mwanya mwanya, na kuuma hau niekumarihira guthii mabururi ma nanja niguo guthaitira iheyo icio cigacire ona makiria.
Aria magatigwo magithunurira gacumbiri ka ngimithurano ici cia sakaja cup, makamukira kimanjika kia muigana wa mirioni 1, namba 2 amukire kimanjika kia ciringi 500000, kuria namba 3 akarikia muhuko kimanjika kia muigana wa ciringi 250,000.Timu iria nayo igakorwo na mashabiki aingi na mabangiitwo wega nimagatugwo na kimanjika kia muigana wa ciringi 300,000, namba 2 ciringi 200,000 kuria nao namba 3 magatugwo na kimanjika kia muigana wa ciringi 100,000. Kiama gia kuramata kabira ka maguru guku bururiini nikiiranire uguo