Thirikari kurekereria kigina kia mathukuru

Riri igeranio nene cia kibururi ari ni iria cia KCPE na KCSE ikirie kuambiriria kuuma muthia wa mweri uguka wa ikumi, ministry ya githomo ni ikinyaniriirie ugathikania wa mawatho maria magiriirwo guthingatwo ni mathukuru term-ini ino ya gatatu niguo gwithemana kaimana na uthogi wa igeranio icio.Kuringana na mwandiki Munene wa githomo Belio Kipsang’ niati gutiri mihang’o oro yothe ya uceri wa mathukuru na iria irakuruhania arutwo mathukuru-ini ndiagiriire ona hanini, ministry ino ikiuga maya makoragwo mari mawatho ma guthimindira ciiko oro ciothe cia uici wa igeranio cia kibururi. Maya mokite oriri Kipsang’, aniriire ministry yake ni irikitie kwamukira ciringi birioni 16 na mirioni 249 kuuma kuri ministry ya kigina niguo gutungania urugamiriri wa mathomo matari marihi thukuru-ini cia muingi term-ini ya gatatu, mutaratara uria augite ni ukuambiriria kuuma tareki 20 mweri-ini uyu ari ni uria wakunyagia mbeca ici mathukuru-ini ma muingi. Hari uga wa kigina giki, Kipsang’ augite ciringi birioni 1.5 urathukwo kuri thukuru cia muthingi bururi, ciringi birioni 1.7 ithukwo kuri thukuru cia njunia thekondari riri ciringi birioni 12.9 itanyitwo guthukwo thukuru-ini cia thekondari, ikinya riri rigiuka ta ihumuka inene hari mathukuru na maria makoretwo haceke hari urugamiriria wa motungata ma arutwop term-ini ino ya gatagatu kuuma mamiaruka muthia-ini wa mweri muhetuku wa kanana.