Tariki cia kiambiriria kia Sakaja Super Cup kwanirirwo.
Written by Kayu Official Digital on September 16, 2023
- NAIROBI & ENVIRONS 91.0 | MT KENYA REGION 91.1FM
Ngucanio cia gikombe kia Sakaja Super Cup nicitanyitwo kuhuwo cabi mwrui uyu o riri timu kuuma miena itiganite ithiite nambere kwiandikithia kihitahitaniroini giki kiria kiguciriirie makiria ma timu 400. Ngucanio ici ikambiriria tariki 30 mweri uyu na guthii nambere nginya tariki 16 mweri ya 12. Ngucanio ici irugamiriirwo ni ngabana wa Nairobi Johnson Sakaja anyitaniire na thirikari ya kaunti ya Nairobi hamwe na kiama kia FKF ruhonge kwa Nairobi (Football Kenya Federation Nairobi branch). Itanya ria ngucanio ici nigukoria iheo cia imwana nini icagiini. Timu cia Premier League, National Super League na National Division One League itiitikirio kurika ngucanioini ici gutigirira atithurani a gikombe giki ni imwna nini kuuma icagiini. Timu iria ingienda kurika ngucanioini ici niciuritio kuoya fomu cia wiandikithia nyumbaini yaCity Hall Annexe ngoroba ya 11.
