Current track

Title

Artist

Irima na iharuruko ligini ya EPL

Written by on September 15, 2023

  • NAIROBI & ENVIRONS 91.0 | MT KENYA REGION 91.1FM

Thutha wa kiambiriria kiuru kuri irabu cia Manchester United,Chelsea na Newcastle, irabu nici nicitanyite gucokia ruui mokaru magicaraniaa na pointi cia kwimathira gikombe kia Premier League, o riri ngucanio cia ligi ciracokereria thutha wa guikirwo konji gwa ihinda ria ciumia 2 niguo kuhee kanya ngimithurano cia mabururi. No ona kuri o uguo irabu cia Tottenham, Liverpool, Manchester City na Arsenal nicionanitie muthako mwega kuona ciothe cirahuranira kuingira gacumbiri  ka ligi ino, othe makimathira makiria ma pinti 10 hari ngucanio 4 iria mathakite kimera giki.

Maundu guthii nambere kurituha Old Trafford

Thutha wa kwamburwo ni kirabu Tottenham na Arsenal the red devils me pointi 6 thi wa gacumbiri ka ligi ino ya EPL.undu uria uigite matanya mao ma kwimathira ligi ino na kunina nyota wao wa miaka 10.Brighton kimera kihituku nimandikithirie rekondi magikandura united mari kiharoini kia Old Trafford kwa rita ria mbere na kuona ndugukorwo wi uhoro wa magegania magiika uu kwa rita ria keri.Imwana ici cia Ten Hag nicirutaniirie ngimithuranoini cia mucii kimera giki guona nimakandurire kirabu kia Wolves na Nottingham Forest. Munori wa imwana cia Red Devils Erik ten Hag ena witikio njuka cia kirabu giki kimera giki Sofyan Amrabat na Rasmus Hojlund ni ciguteithiriria gucenjia muthaku muru uria imwana ici cionanitie ngucanioini cia hau kabere.

Mbeca itingigura mbau cia the Blues

Ona thima wa gukorwo kirabu giki ni njorua cia cash money ligiini ino ya EPL, Chelsea thii wa monori wao mweru Mauricio Pochettino mahotanite o ngucanio 1 kimera giki. The Blues mahuthirite kimanjika makiria ma euro birioni 1 thokoini wa i marugamiriirwo ni mwene kirabu giki Todd Boehly. No ona kuri uguo Chelsea no maremetwo kwonania mayu mao ma kwimathitha gikombe kia Epl kuona matigukorwo makirika ngucanioini cia ruraya thutha wa kurikia ithenyaini ria 12 kimera kihituku

Mwaki wa Newcastle kuhorerekera

Thutha wa kirabu kia Newcastle gwika wega kimera kihituku na kwimathira kanya ga gututhurana ngimithurano cia UEFA Champions League makinina nyota wao wa  miaka 20. Kimera giki nimonanitie ukenderu magituthurana ngucanio cia kimera giki magikandurwo ngucanio 3 harin 4 ira matkite na undu uyu kunmaiga handu horu kihitahitaniro kia gikombe kia ligi ya EPL. Imwana ici cia Eddie Howe cii na matanya ma gucikereria ngumo yao ya kimera kihituku makinyitana mashati na imwana cia Brentford na thutha ucio kurika nda ya rwigi nginya bururi wa Italy guthimana maahinya na imwana cia AC Milan ngicanioini cia UEFA Champions League wakeri wa kiumia giukite.


Current track

Title

Artist