Nditimurano cia kiuteti gatagati ga President Museven na Bobi wine ni hindi ciihiriirie oriri ithurano cia 2026 ikuhiriirie

Nditimurano ya kiuteti gatagati ga thirikari ya Uganda na mung’ethnairo ni itanyitwo kuumbuka weeru uu ari thutha wa thirikari kurugamia micemanio ya gutungana na muingi hari mung’ethnairo bururi-ini.

Hari mikana ya ruhonge rwa borithi kuri muteti wa mung’ethanairo Bobi Wine, borithi maugite marugamitie micemanio ino yake ya gutungana na muingi na iria ikoretwo ikiyumirio ni makiri a mung’ethaniri kuuma oro kiumia kihetuku miena itiganite bururi-ini nikiria maugite ni ikoretwo ikioya gacira ka ucogeri na  uhurunji wa miario  kuri president Kaguta Museveni.

Onagukiri ugwo Bobi Wine na uria utuikite ikara ihiu kuri wathani wa Museveni bururi-ini wa Uganda niakinyiriirie miceamanio ino ya mung’ethanaro no iguthii nambere ta uria ithaganitio, ikinya riri riu rikionekana ta ria gucungiriria mbara gatagati ga thirikari na mung’ethanaro bururi-ini uyu wa Uganda.

Micemanio ino irathaganio oriri ithurano nene cia bururi uyu iraririirio gutabanio mwaka wa 2026, kuria Museveni na uria wina ukuru wa miaka 78, akinyitirira wathani bururi-ini uyu miaka 37 ndari aramenyeka kana niagatetera wathani wake kana aca.