Current track

Title

Artist

Ciira wa githagathago kia Jubilee kwambirira umuthi igotiini ria High court

Written by on September 13, 2023

  • NAIROBI & ENVIRONS 91.0 | MT KENYA REGION 91.1FM

Igoti inene umuthi niritanyitwo kwaruka mihang’o ya uthikiriria wa cira wa uria uhanditwo ni mwandiki Munene wa kiama kia Jubilee Jeremiah Kioni na andu angi eri wa kuregana na gutitimurwo kwao nja wa kiama giki.

Kioni hamwe na munini wa kiama giki kia Jubilee David Murathe maikirio nja ni kanju nene ya kiama giki thutha wa kamitii ya mitugo ya kiama gukinyaniria matacukirio makinya maya, kuria Kagwe Gichogi na uria ni muigi kigina onake ari ciira-ini uyu agitetia ikinya ria kumurugamia mihang’o-ini ya utungata wa kiama kwa ihinda ria miaka iri, ciira uyu ugitanywo kuambiririo kuuma umuthi.

Mucirithania Asenath Ongeri niwe urathikiriria ciira uyu, kuria mweri muhetuku wa kanana akinyanirie kuruta watho wa kurugamia mihang’o yothe ya kuruturura maabithaa aya a kiama giki, kuria mathenya mao  marikitie guthingwo kugerera matua ma kanju nene ya kiama kuria Kanini Kega ari athukirio ta mwandiki Munene munyitiriri nake Aden Keynan agathukio ta munini wa muikariri giti, matua maya mothe makirugamio ni igoiti nginyagia ciira uyu uthikiririo na utuithanio kuna.


Current track

Title

Artist