ARUTANI A THUKURU CIA UNIVERSITY KUNINA MUGOMO
Written by Kayu Digital Team on November 5, 2025
- NAIROBI & ENVIRONS 91.0 | MT KENYA REGION 91.1FM
Arutani a university cia muingi riu nimaninite mugomo wao uria ukoretwo kuo kwa ihinda ria thiku mirongo ina na kenda, mugomo uyu uthirite thutha wa thirikari gwitikira kumariha ciringi birioni 7.9 mbeca iria makoretwo magiitia.
Thirikari riu igukorwo ikiriha mbeca ici na makereka meri mweri uyu na wa dithemba ikiriha ciringi birioni 3.8, nario ikereka ria keri irihwo mweri-ini wa njanuari mwaka turorete.
Mugomo uyu uthirite thutha wa Minister wa githomo Julius Migos gucemania na ciama cia UASU na KUSU na kuiguthaniria.
