MUIKIA KURA UMWE KWANDIKITHIA CIRA AKIENDA GITURUA KIA UBUNGE KIANIRIIRWO UTHERI
Written by Kayu Digital Team on October 29, 2025
- NAIROBI & ENVIRONS 91.0 | MT KENYA REGION 91.1FM
Muikia umwe wa kura kuuma gicigo-inî kia ubunge kia Mosop, Nandi niandikithitie cira igoti-inî akienda gîturua kia ubunge kia gicigo gîkî gikorwo gîkîaniriirwo gukorwo kîrî utheri.
Timothy Tororey augite gîturua gîkî kiagiriirwo kwaniriirwo gukorwo kîrî utheri thutha wa mubunge uria wacagurirwo kurugamirira muingi niwe Abraham Kirwa gukorwo agiitwo bûrûri-inî kwa ihinda ritanyihiire miaka irî, akiuga ûû ni kuima muingi wa mwena ûû mweke wa kirugamiririrwo ta uria watho wathiriire.
Gwata ûû Tororey niakumithitie spika wa bunge îno iguru ria gukorwo atatacukitie ikinya ria Kwanirira gîturua gîkî utheri thutha wa gutura ciikaro cia bunge ikirukite inyanya gutari na kiria augite ni rutha rwa Spika.
