IGERANIO CIA KPSEA NA KJSEA KUINGIRA THIKU YA KERI UMUTHI
Written by Kayu Digital Team on October 28, 2025
- NAIROBI & ENVIRONS 91.0 | MT KENYA REGION 91.1FM
Thutha wa kuhura cabi igeranio cia kibururi cia grade ya 6 kana KPSEA hamwe na iria cia garde 9 kana KJSEA muthenya wa ira, mutaratara wa igeranio ici ni utanyitwo kuingira muthenya wa keri umuthi.
Ni igeranio irakinyanirio bururi-ini riri mathina matiganite na makiria maria mohanitio na mbura irathii nambere kuura marahutia imwe cia icigo bururi-ini, maabitha a wathani wa matuura na aria a ministry ya githomo magitigirwo uigiririki wa guthii nambere na gutigirira igeranio ici nicia kinya mathukuru-ini.
Igeranio cia KPSEA hari arutwo a grade 6 itanyitwo gukinya muthia muthenya wa ruciu kuria arutwo mirioni 1.2 maraikarira igeranio ici riri iria cia grade 9 na iria arutwo mirioni 1.1 maraikarira itanyitwo gukinya muthia mwambiririo wa kiumia giguka, ici iri cia mbere hari mutaratara wa CBE, thirikari kugerera kanju ya igeranio igikinyiriria wuigiririki wa igeranio ici na oho utuika ria kuigana hari arutwo othe kugia na mweke wa guthii mathomo-ini ma senior secondary.
